स्वप्नाहुनही सुंदर तु......

हा खेळ भावनांचा.....

अस वाटत सगळ विसरून तुझ्या मिठीत सामाऊन जाव ,
या गर्दीतही नजर फक्त तुलाच शोधतीये ,
म्हणूनच कदाचित आज इच्छाच न्हवती तुझा हात सोडायची ….

का कोण जाणे भावनांचा हा खेळ का छळतोय मला ,
तुझ्याच आठवणीत दिवस रात्र सतावतेय मला ,
म्हणूनच कदाचित आज इच्छाच न्हवती तुझा हात सोडायची ….

तूच सांग कस आवरू आता ह्या मनाला ,
प्रत्येक गाण्यात आहेत तुझेच शब्द ,
प्रत्येक श्वासात आहे तुझाच गंध
कोण आवरणार आता ?
म्हणूनच कदाचित आज इच्छाच न्हवती तुझा हात सोडायची ….

स्वप्नातही आहे तुझीच नशा ,
या नशेचा रंग उतरतोय कुठे ,
या रंगात न्हाऊन तुझ्यात एकरूप होतीये ,
म्हणूनच कदाचित आज इच्छाच न्हवती तुझा हात सोडायची ….
आज इच्छाच न्हवती तुझा हात सोडायची ….

तु पुन्हा केव्हा येणारेस????

उदास संध्याकाळी मनात होते असंख्य विचार

आठवणींच्या लहरी उठताच उरात उठल्या कळा...

साता-जन्माची साथ करणार होतास ना रे तु?

अचानक न बोलता कसा गेलास तु?

मोह उरलाच नाही का आपल्या प्रेमाचा

गंध नसेल पण रंगाच वरदान आहे मला....

मनाशी जुळ्लेल्या मनाच नात असचं का तोडुन जाणारे

एवढ तर सांगुन जा या सगळ्या प्रश्नांची उत्तर द्यायला तु पुन्हा केव्हा येणारेस???

तु पुन्हा केव्हा येणारेस????

********मैत्री तुझी नी माझी*************

ठरवल आहे मनाने, करुया आपणही कविता आपल्या मैत्रीवर

मग मनानेच पुन्हा मनाला विचारलं

कि या मैत्रीचा अर्थ तरी काय ???

या स्वार्थी जगात तुझ्या मैत्रीचा उपयोग तरी काय ?

नसतो फक्त इथे फक्त उपयोग असते जीवाभावाची साथ......

मैत्री म्हणजे त्यागाची भावना,नात्यातील ताजेपणा

मानातील मांगल्य,ओठावरील हसु आणि डोळ्यातील आनंदाश्रु

मैत्रीच्या भावना जपायलाही लागते तितकच कोवळ मनं

कारण या कोवळ्या मनातच उमलते मैत्रीची नाजुक कळी.........

अखेर नैत्री तुझी नी माझी ,सार्‍या जगाहुन निराळी

नाही याला कसला स्वार्थ

कारण मैत्रीत नसतो कधी पैशांचा बाजार

इथे असतो फक्त भावनांचा आधार.......

आधार असतो एकमेकांचा प्रत्येक क्षण जगण्याचा

जगलेले प्रत्येक क्षण अनुभवण्याचा

असेलही बरेच मित्र ,मैत्रीणी तुझ्या

पण मी निराळी नक्कीच कुणी नसेल.......

क्षण

किती मस्त होता तो क्षण,

तू हातात घेतलेला माझा हात,

तुझ्या चेहऱ्यावरचे ते भाव,

किती मस्त होता तो क्षण...

तुझी ती गर्दित मला शोधणारी नजर,

तुझी आतुरतेने वाट पाहणारी ती नजर,

किती मस्त होता तो क्षण...

तुझ्या मिठीत रमून जाण्याचा,

दिलखुलास प्रेम करण्याचा आनंद,

किती मस्त होता तो क्षण...

स्वप्नात येवुनही दिलास मला तो आनंद,

निद्रेच्या मिलनात झाले होतो आपण गुंग,

ती धुंदी पण एकच सांगत होती,

"प्रेम"

"प्रेम" जगातली सर्वांत सुंदर अशी एक गोष्ट....

Awesome Feeling

आपण कोणालातरी आवडण आणि आपल्याला सुध्दा कोणीतरी आवडणे हे सांगुन नाही समजायच कोणाला त्यासाठी हे अनुभवावच लागत...ते बघणं,ते डोळ्यातुन मनात साठवण,त्याच बोलण त्याच दिसण सगळच मग अद्भुत असल्या सारखंच भासु लागत....

आयुष्याच्या कुठल्या तरी वळणावर आपण एकदा तरी प्रेमात पडतोच,कोणतीतरी नजर प्रत्येकाला आव्हान देऊन जातेच  आणि अगदी तोच तोच तो 'क्षण' जेव्हा आपण स्वता:चे नसतोच...मग आपणही

त्या प्रवाहाबरोबरच वाहु लागतो,ते वाहत जाण सुध्दा खुप वेड लावणार असत.....

कस जमत रे तुला

कस जमत रे तुला

मनाशी लपंडाव खेळायला

जाणते पणीही,अजाणते बानयला....

कस जमत रे तुला

मागचा पुढचा विचार न करता

शब्दांच्या नगरीत सुसाट धावायला....

कस जमत रे तुला

या ओसाड माळरानावर

प्रेमांकुर फ़ुलवायला.......

कस जमत रे तुला

चाहुलीने तुझ्या मन सैरभैर व्हायला लावायला

मनतरंगावरचे हे फ़ुल अलगद उमलवायला......

कस जमत रे तुला

तुझी स्वप्न माझी करुन

त्यांच्यात हरवायला,आणि आठवुन पुन्हा ते दिवस जगवायला.....

कस जमत रे तुला

त्या स्वप्नांच्या ध्यासात

त्यांच्यामागे धावायला.....